Les in di [italiano]

'Z izzese gemacht verte di zait zo nemma toal. Vorgèllz Gott zo haba genump toal aft disa rede zo bèksla in spetziàl Staùtt vor in Trentino - Alto Adige/Südtirol.

Dar Statùtt iz 'z grunt gesetz bodase gruntet ünsar autonomì. Aftz disa websait makar vennen in vorbriaf nidargeschribet vodar Konsulta zo bèksla in Statùtt boda innhaltet di bichtegarstn pünkt boda soin khent vürgetrakk (nå azpe da khint auzgemcht von gesetz von 2 hornung 2016 n. 1).

Von 13 von lentz sin atz 30 von herbestmånat 2017 dar vorbriaf iz khent gezoaget in ettlane öffentlesche trèff, in da gåntz Provìntz un soinda khent vürgelekk mearare sachandarn, ma hatta draugeredet pitt pürgar, pitt öffentlesche entn, pitt feroine un organizatziongen bodada håm gehaltet zo khöda daz soi atz bia zo bèksla in Statùtt un asó zo giana vür pezzar pittar autonomì von Trentino - Alto Adige/Südtirol . Allz daz sèll boda iz khent getånt un khött iz khent draugelekk afte istitutzionàl websait vodar Statùtt bèkslom un aftz "ioRacconto".

Verte disa arbat Di Konsulta hatt genump zo hentn allz daz sèll boda iz khent zuargelest un hatt nidargeshribet in Briaf verte pitt allz daz sèll boda iz khent vürgelekk zo bèksla in sèlbstendig Statùtt. Atz 4 von madjo von 2018 dar Briaf verte iz khennt inngètt in Vorsitzar von provintziàl Rat Brunoi Dorigatti un in Vorsitzar vodar trianar Provìntz Ugo Rossi.

Aftz disa websait, da untar makma vennen vor aniaglan argomént bazta iz khent vürgelekk von sèlln boda håm genump toal .

Zo bizzasan mearar:
    – Vorbriaf nidargeschribet vodar Konsulta (pdf)
    – Bia ma tüat: asó nütztma IoPartecipo (FAQ)
    – Nemmen toal azpe 'z geat getånt (netiquette)
    – Börtar (lai khurtz)