Lec per [italiano]

Serà sù la fasa de partezipazion. Develpai per aer tout pèrt al confront dintornvìa la Reforma del Statut spezièl del Trentin - Südtirol

L Statut l'é la lege fondamentèla sun chela che vegn endrezà noscia autonomìa. Sun chest sit l'é a la leta l prum document lurà fora da la Consulta per la reforma del Statut coi criteries e i endrec prinzipèi en discuscion (descheche l'é pervedù da la lege dai 2 de firé del 2016, n.1).

Dai 13 de mèrz ai 30 de setember del 2017 l document de scomenz l'é stat metù dant te tropa scontrèdes co la jent, sun dut l tegnir de la provinzia , e orì al confront e a la partezipazion per tor sù contribuc, proponetes, pareres, valutazions da pèrt de sentadins, enc publics, sociazions e organisazions che se à sproà a meter dant proponetes per l mudament del Statut outes a fèr crescer l'autonomìa del Trentin Südtirol . Duta la scomenzadives portèdes dant te la fasa de partezipazion les é documentèdes tel sit istituzionèl de la reforma del Statut e te "ioRacconto".

Serà sù la fasa de partezipazion, la Consulta l'à vardà fora duc i contribuc rué e l'à enjignà l Document finèl. Ai 26 de mèrz del 2018 la Consulta l'à aproà con duta la stimes a una l Document finèl co la proponetes per la reforma del Statut de autonomìa. Ai 4 de mé del 2018 l Document finèl l ge é stat metù dant ai presidenc del Consei Provinzièl Bruno Dorigatti e al president de la Provinzia autonoma Ugo Rossi.

Te chest sit, ti chèdres spezifiché sotìte, se pel troèr per ogne àmbit tematich i contribuc rué te la fasa de partezipazion .

Per cognoscer inout:
    – Prum document lurà fora da la Consulta (pdf)
    – Istruzions per la doura: coche funziona. IoPartecipo /Gé tole pèrt (FAQ)
    – Tor pèrt a na vida percacenta e dreta (netiquette)
    – Glossèr (minamal)