Les as [italiano]

Sperrt s toalnemm. Gèltsgott za hom toalganommen en bècksln van ausònder Statut van Trentin/Südtirol.

Der Statut ist s bichtege gasetz asn beil hòt de grint de inser autonomi. As de doi sait mu' men vinnen der dokument tschrim van Oa'netrèff ver en bècksln van Statut pet de riven ont de bichtestn adressn (no en gasetz van 2 van hourneng 2016, n. 1).

As de 13 van merz 2017 der vourakt ist kemmen vourstellt en mearer òllgamoa' trèffn, en de gònze provinz ont offet ver za meing toalnemmen, ver za nemmen au paitrogn, vourtschbinnen, ont schatzn van lait, van òllgamoa' innrichtn, vraischòftn ont organizazionen enteressiart za gem rotn abia za bècksln der Statut ver za paun au de autonomi en Trentin/ Südtirol. Òlla de nain òrbetn as sai' envire gòngen pet en toalnemm sai' tschrim as de istituzional sait van bècksln van Statut ont asn"ikontar".

Sperrt s toalnemm, der Oa'netrèff hòt ausser tschauk òlla de paitrogn as kemmen sai' ont hòt oar tschrim der Rifakt. As de 26 van merz 2018 der Oa'netrèff hòt u'ganommen, pet de oa'neket van òlla, der Rifakt pet de vourtschbinnen van bècksln van Statut va de autonomi. As de 4 van moi 2018 der Rifakt ist kemmen vourstellt en President van provinzalrot Bruno Dorigatti ont en President va de Autonome Provinz va Trea't Ugo Rossi.
As de doi sait, en de plòtz do untn, konnt men vinnen ver an iatn toal, de paitrogn as kemmen sai' bail s toalnemm.

Ver za bissn eppes mear:
    – Vourdokument gamòcht van Oa'netrèff
    – Abia za tea': ver za prauchen I nimm toal
    – Rècht t oalnemmen
    – Innhòlt